هادا واحد غير دخل الامتحان ديال الباكالوريا و دغية خرج.
قالو ليه: مالك خرجتي دغية؟
قال ليهوم: قال ليا الوالد جي نتا اللول
*************
هادو شي رجال جالسين ف القهوة، ناض واحد قال ليهوم: اللي كيخاف من مرتو ينوض يجلس اللور.
ناضوا كاملين إلا واحد. سولوه: نتا ما كاتخافش من مرتك؟
قال ليهوم: راه قالت لي سير للقهوة وما تحركش حتى نجي
*****************
هادا واحد مشى للسوق بغى يبيع قنية، وهو يجي عندو واحد خينا مبوق وقال: بشحال القرد؟
قال ليه مول القنية: أسبحان الله، راه قنية هادي
قال ليه المبوق: ما هدرتش معاك، هدرت مع القنية
*****************
هادي واحد المرا بغات تركب طاكسي وهي تسول مولاه: بشحال أولدي كتدي لحي المقاومة؟
قال ليها: 15 درهم
قالت ليه: والسيكان؟
قال ليها: السيكان فابور
قالت ليه: إيوا هاك أولدي دي ليا هاد السيكان هاني غادي نلحق بيك على رجلي
*****************
واحد مكلخ قال لصاحبو: البارح ما نعستش مزيان ف التران
قال ليه صاحبو: وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبو: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه
*****************
هدا واحد الراجل كان غادي ف الطريق وهو يبزق عليه واحد الطير
شاف البزق و قال: حمدتك يا ربي مني ما عطيتيش للبقر الجناوح
موضوع: نكت مغربية جديدة lool 
الأربعاء ديسمبر 22, 2010 7:47 pm
