منتديات كورة بلا حدود
مرحبا بكم معنا إذا كنت عضو فتفضل بالدخول وإذا لم تكن عضو فيشرفنا أن تسجل وتنضم لأسرتنا

منتديات كورة بلا حدود

موقع رياضى به كل شئ عن كرة قدم ألعاب برامج باتشات وأوبشن فايل كل أنواع البيس معنا أشبع كورة
 
الرئيسيةافضل اللاعبين فس .و .جالتسجيلدخول

شاطر | 
 

 بطولات المنتخب المصري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hamooood
منتديات كورة بلا حدود
منتديات كورة بلا حدود


الجنس : ذكر

عدد المساهمات : 131

معدل تقييم المستوى : 11

العمل/الترفيه : hjhjhjh


مُساهمةموضوع: بطولات المنتخب المصري    الإثنين سبتمبر 06, 2010 4:49 pm

منتخب مصر الوطني لكرة القدم ، بيتلقب بـ الفراعنه ، صاحب الرقم القياسى فى بطولة كاس افريقيا للامم بسبع ألقاب فى 1957 و 1959 و 1986 و 1998 و 2006 و 2008 و 2010 ، و كسب للمره التالته ع التوالى فى 2010 ، و وصل الفاينال اكتر من أى فريق تانى زى مشاركته 22 مره فى البطوله ( تانى فريق ساحل العاج 18 مرة ) ، مدرب مصر دلوقتى هو الكابتن حسن شحاته. منتخب مصر اول منتخب فى الشرق الاوسط يشارك فى بطولة العالم ( 1934 ).

ألوان زى منتخب مصر : على لون علم مصر ، فانله حمرا ، و شورت أبيض ، و شراب اسود. الاتحاد المصرى لكرة القدم اتكون سنة 1921 ، وانضم للاتحاد الدولى سنة 1923 ، وانضم للاتحاد الأفريقي كمؤسس سنة 1957.

فى بطولة كاس افريقيا للامم فى انجولا 2010 حقق المنتخب المصرى انجاز تاريخى كبير بفوزه بالفاينال و اخده سبع مرات و لتالت مره على التوالى بعد ما اتفوق على كل الفرق اللى قابلها فغلب نيجيريا 3 -1 ، و بنين 2 - 0 ، و موزمبيق 2 - 0 ، و الكاميرون 3 - 1 ، و الجزاير 4 -0 ، و غانا 1 - 0 . و حقق كمان رقم قياسى فى الفوز فى 18 ماتش فى بطولات افريقيا من غير ما يتغلب أى ماتش.

كرمته الدوله المصريه فى 1 فبراير 2010 بـ وسام الجمهوريه بمناسبة فوزه ببطولة افريقيا 2010 و تحطيمه ارقام قياسيه ماحققهاش أى منتخب فى العالم.

المحتويات [تخبية]
1 مشاركات مصر لكاس العالم
2 مشاركات مصر فى كاس افريقيا
3 لحظات الفراعنه فى العالم
4 لينكات ارجيه ليها علاقه بالموضوع


[تعديل] مشاركات مصر لكاس العالم
الفريق المصرى اتأهل لـكاس العالم مرتين، أول مره سنة 1934 فى ايطاليا ، و اتأهل للمره التانيه سنة 1990.

[تعديل] مشاركات مصر فى كاس افريقيا
مصر بطلة القارة السمرا 7 مرات(1957/59/86/98/2006/2008/2010)
بطلة كاس افريقيا للشباب 3 مرات (1981& 1991& 2003)
بطلة افريقيا مرة واحدة للناشئين(1997)
دهبية الألعاب الأفريقيه مرتين (Kenya 1987 / Zimbabwe 1995)
[تعديل] لحظات الفراعنه فى العالم
فى 28 أغسطس سنة 1920 ، كان أول ماتش بين مصر وإيطاليا واللى انتهى بفوز ايطاليا بنتيجة 2-1
فى نوفمبر سنة 1963 فاز الفراعنه بأكبر نتيجه فى تاريخ مصر على لاوس فى اندونيسيا ، وكانت النتيجة 15 هدف نظيف .
فى أمستردام سنة 1928 ، خسر منتخب مصر بأكبر نتيجة تقيلة من إيطاليا 11-3
مصر اتأهلت لأول مرة فى التاريخ فى ايطاليا سنة 1934 ، ورغم خسارة مصر لكن الجرانيل الأوروبيه مدحت نجوم منتخب مصر وقتها.
في بطولة كاس العالم للقارات 2009سنة في جنوب افريقيا منتخب مصر خسر قدام منتخب البرازيل بنتيجة 4-3 لكن لعب ماتش كبير كان ند فيه للبرازيل و كانت مفاجأة بالنسبه للعالم كله.
في بطولة كاس القارات 2009 حقق المنتخب المصري فوز تاريخى على بطلة العالم ايطاليا 1-0 و كسب اعجاب العالم و احترامه.
في تصفيات التأهيل لكاس العالم 2010 فاز منتخب مصر على الجزاير فى القاهره 2 - 0 و بكده عوض خسارته فى الجزاير 1 -3 ، و نتيجه للوايح اللى ما حسبتش جون مصر فى الجزاير بجونين اتعمل ماتش فاصل فى ام درمان فى السودان كسبت فيه الجزاير 1 - 0 وبكده خسر المنتخب المصرى بمجموع المباريات و اتأهل منتخب الجزاير لكاس العالم فى جنوب افريقيا 2010.
مصر هى اكتر منتخب كروي كسب بطولة كاس افريقيا للامم ( 7 مرات ) ، منهم تلت مرات ورا بعض فى 2006 و 2008 و 2010 و ده تقريباً انجاز شبه مستحيل على مستوى كل العالم.
منتخب مصر غلب كل الفرق اللى قابلها فى بطولة 2010 فى انجولا ساعات بعدد جوان كتيره وصلت ساعات لدرجة أربعه صفر ( نيجيريا 3 - 1 ، موزمبيق 2 - 0 ، بنين 2 - 0 ، الكاميرون 3 - 1 ، الجزاير 4 - 0 ، غانا 1 - 0 ) ، و حصد لعيبته كل جوايز التفوق ( جدو أكتر هداف ، جدو أحسن بديل ، احمد حسن أحسن لعيب ، عصام الحضرى أحسن جون ، أحمد فتحى أحسن روح رياضيه ) و فاز الفريق بجايزة أحس خط هجوم و أحسن خط دفاع ، و فاز حسن شحاته بلقب احسن مدرب. و لما اتشكل الفريق المثالى لأفريقيا طلع فيه 5 لعيبه مصرين و كمان حسن شحاته كمدرب. لما رجع الفريق مصر استقبل استقبال كبير من المصريين و كرمه الرئيس حسنى مبارك بوسام الجمهوريه للرياضه.
الرجوع الى أعلى الصفحة اذهب الى الأسفل
youssef ali
مؤسس المنتدى
مؤسس المنتدى
avatar

الدولة : مصر أم الدنيا

الاعب المفضل : messi

الجنس : ذكر

عدد المساهمات : 1558

معدل تقييم المستوى : 25

العمر : 20

الموقع : koorablahodoh.own0.com

العمل/الترفيه : طالب

المزاج : عاشق للكرة

النادى المفضل : ريال مدريد


مُساهمةموضوع: رد: بطولات المنتخب المصري    الإثنين سبتمبر 06, 2010 7:08 pm

شكرا حبيبى جدا جدا على الموضوع المنسق والجميل والذى يحتوى على معلومات جميلة جدا بجد تحيا مصر
سيتم تثبيت الموضوع لانه بجد رائع
الرجوع الى أعلى الصفحة اذهب الى الأسفل
http://koorablahodod.own0.com
????
زائر



مُساهمةموضوع: رد: بطولات المنتخب المصري    الأربعاء سبتمبر 15, 2010 12:04 am

شكرا حبيبي ع الخبر
وأكيد بدو أثبات لأنه موضوع ممتاز
الرجوع الى أعلى الصفحة اذهب الى الأسفل
احمد حسن
المراقب العام
المراقب العام
avatar

الدولة : مصر ام الدنيا

الجنس : ذكر

عدد المساهمات : 120

معدل تقييم المستوى : 10

العمر : 20

العمل/الترفيه : طالب

المزاج : مبسوط

النادى المفضل : الاهلى نادى القرن


مُساهمةموضوع: رد: بطولات المنتخب المصري    الجمعة أكتوبر 08, 2010 9:50 am

الف شكر
الرجوع الى أعلى الصفحة اذهب الى الأسفل
????
زائر



مُساهمةموضوع: رد: بطولات المنتخب المصري    السبت نوفمبر 06, 2010 7:19 pm

مشكوووووووووور
الرجوع الى أعلى الصفحة اذهب الى الأسفل
 
بطولات المنتخب المصري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كورة بلا حدود :: الدوريات :: الدوري المصري / Egyptian League-
انتقل الى: